نوچەنێت.هه‌ولێر:
نوێنەری پاپای ڤاتیكان سەردانی هەرێمی كوردستانی كورد و سوپاسی حكومەتی هەریمی كرد كە ئاوارە مەسیحیەكانی لە خۆگرتوە.
هەروەكو بڕیاربوو نوینەری پاپای ڤاتیكان سه‌ردانی هه‌رێم بكات سەر لەئێوارەی ئەمڕۆ بەمه‌به‌ستی ئاگاداربوون له ژیان و گوزه‌رانی ئه‌و مه‌سیحییانه‌ی كه به‌هۆی داعشه‌وه له‌شاره‌كانی خوارو و ناوه‌ڕاستی عیراق ئاواره‌بوون و له‌ئێستادا له‌هه‌رێمی كورستان نیشته‌جێن کاردیناڵ فلۆنی،نوینەری پاپای ڤاتیكان لە رێگەی فڕۆكەخانەی نێودەوڵەتی هەولێر گەیشتە هەرێمی كوردستان و لەلایەن وەزیری ئەوقاف پێشوازی لێكرا.
نوینەری پاپای ڤاتیكان دوای كۆبوونەوەیەك لەگەڵ كەمال موسلیم، وەزیری ئەوقاف و کاروباری ئایینی حکومەتی هەرێمی کوردستان، لە كۆنگرەیەكی رۆژنامەڤانیدا وتی:بەناوی قەداسەتی پاپا و هەموو لایەنە مەسیحیەكان و لەفاتیكان و بەناوی خۆشمەوە سوپاسی تایبەتی خۆمان دەگەێنین بەحكومەتی هەرێمی كوردیستان و هەموو ئەو لایەنە پەیوەندیدارانەی كە هاوكاری مەسیحییە ئاوارەكانیان داوە لەهەریمی كوردستان و باوەشیان بۆكردونەتەوەو لەلای خۆیان دایان ناون و ئێستا لە ژێر چاودێری ئەوان دەژین.
راشیگەیاند: ئەم هەفتەیە هەفتەێكی زۆر تایبەتە بۆ مەسیحییەكان چونكە ئەمە هەفتەی قیامەیە.
لەبارەی رەوشی ئاوارەكانیش نوێنەری پاپا وتی:بەدواداچوون بۆ رەوشی ئاوارەکانی هەرێمی کوردستان دەکەین.
بڕیاره‌یشه نوێنه‌ری پاپای ڤاتیكان له‌و سه‌ردانه‌یدا له‌گه‌ڵ به‌رپرسانی حكومه‌تی هه‌رێمی كوردستان كۆببێته‌وه‌و باسی چۆنێتی گه‌یاندنی هاوكاری زیاتر بكه‌ن بۆ ئاواره‌كانی هه‌رێمی كوردستان.
