نوچەنێت.رووداو:
پەرلەمانتاریكی پارتی لەمبارەیەوە دەڵێ:” ماوەی سەرۆکایەتی هەرێمی کوردستان لە بەرنامەی دانیشتنەکەدا نەبووە و بەڵام عەلی حەمەساڵح باسیکردووە و دوو پەرلەمانتاری پارتیش شەڕیان لەگەڵ کردووە بەهۆی شەڕەکەشەوە ماوەی ١٥ خولەک دانیشتنی پەرلەمان دواخراوە”.
ئومێد خۆشناو، سەرۆکی فراکسیۆنی پاتی لەمبارەیەوە بە رووداوی راگەیاند کە شەڕەکە حاڵەتێکی ئاسایی بووە و سەرۆکایەتی پەرلەمان و سەرۆکی فراکسیۆنەکان کۆدەبنەوە”
لە کاتی شەڕەکەی ناو پەرلەمان شاشەکەیان کوژاندەوە بۆ ئەوەی دیمەنەکان نەبیندرێن و هەوڵی هێورکردنەوەی بارودۆخەکە دەدرێت ئێستا.
ئێڤار ئیبراهیم، پەرلەمانتاری گۆڕان رایگەیاند ” کە کاتێک هێرشکرایە سەر عەلی حەمەساڵح هێشتا دانیشتنەکە دەستی پێنەکردبوو” و گوتیشی ” پێدەچێت رووداوەکە بەرنامە بۆ دارێژراوبێت” لە هەمان کاتدا ئاماژەی بەوەدا ” ئەو رووداوە سوکایەتییە بە پەرلەمانی کوردستان”.
پەرلەمانتارەکەی گۆڕان ئاماژەی بەوەکرد کە دوو پەرلەمانتارەکەی پارتی لای دەرگاکا بۆ عەلی حەمە ساڵح وەستابوون کە بینیان گوتیویانە بۆ باسی سەرۆک دەکەییت و لێیانداوە
ئەبوبەکر هەڵەدنی، سەرۆکی فراکسیۆنی یەکگرتوو لەمبارەیەوە رایدەگەیەنێ ” شکۆی پەرلەمان شکێنراوە و دەبێت هێرشبەران سزابدرێن” گوتیشی “ئەو رووداوە ئاماژەیەکی خراپە، کە ببێتە پێشینەیەک بۆ ئەوەی پەرلەمانتاران نەتوانن باسی هەموو پرسێک بکەن”.
