نوچەنێت- CNN
رافع رەفاعی موفتی عێراق كە بە هەڵوێستە توندەكانی بەرامبەر میلیشیا شیعەكان ناسراوە، بەیاننامەیەكی دەركرد و پشتگیری هەڵوێستی شێخی ئەزهەری كرد كە تیایدا ئیدانەی ئەو تاوانانەی كرد كە بەرامبەر سوننە دەكرێت لەسەر دەستی میلیشیا شیعەكان كە بە ” كوشتارگە” ناوی برد ، هەروەها داوای لە دەستە نێو دەوڵەتیەكان و جیهان كرد كارێك بكەن بۆ چارەی ئەم دۆخە.
رەفاعی هەروەها وتی :” ئەوەی رووبەڕووی ناوچە سوننە نشینەكان دەبێتەوە لە تاوانكاری ، لە وەسف كردن نایەت”
هەروەها وتی :” وتەكەی ئەزهەر وتەیەكی حەق و راستە و نوێنەرایەتی ئیسلام دەكات ، كە داوای وەستاندنی هەرچی زووتری ئەوكوشتارگانە دەكات كە بەرامبەر سوننە دەكرێت لە عێراق و بانگی كۆمەڵگەی نێودەوڵەتی و رێكخراوەكانی مافی مرۆڤی كرد دەستێوەردانی بە پەلە بكەن بۆ وەستاندنی ئەو كوشتارگانە” وەك ئاماژەیەك بۆ ئەو پێشێلكاریانەی لە راپۆرتەكاندا باس دەكرێت لە ماوەی جەنگی داعشدا.
