نوچەنێت.ههولێر:
لە دوو نامەی جیادا،هەریەک لە حەیدەر عەبادی و نوری مالکی،بەبۆنەی جەژنی نەورۆزەوە پیرۆزبای لە بارزانی دەكەن.
ماڵپەڕی سەرۆکایەتی ههرێم بڵاوی کردەوە”لە دوو نامەی جیادا، هەریەک لە دکتۆر حەیدەر عەبادی سەرۆکی ئەنجوومەنی وەزیرانی عێراق و نووری مالکی جێگری سەرۆک کۆماری عێراق، بە بۆنەی هاتنی جەژنی نەورۆز، پیرۆزباییان لە بەڕێز مەسعود بارزانی، سەرۆکی هەرێمی کوردستان و گەلی کوردستان کردووە“.
بەپێی هەواڵی ماڵپەڕەكە”دکتۆر حەیدەر عەبادی سەرۆکی ئەنجوومەنی وەزیرانی عێراقی فیدڕاڵ لە نامەکەیدا بۆ بارزانی،نووسیویەتی: بەبۆبەی هاتنی جەژنی نەورۆزی پیرۆزەوە گەرمترین پیرۆزبایی پێشکەش بە ئێوە و گەلی کوردی بەڕێزمان دەکەین. لە خوای گەورە داواکارین ئەم جەژنە، بە ئارامی و خۆشگوزەرانی و گەشەسەندن، بۆ عێراق و گەلەکەمان بگەڕێنێتەوە“.
ماڵپەڕی سەرۆکایەتی ئەوەی خستۆتەڕووكە”نووری ئەلمالکی جێگری سەرۆک کۆماری عێراقی فیدڕاڵ لە نامەکەیدا بۆ سەرۆکی هەرێمی کوردستان، نووسیویەتی: بەبۆنەی جەژنی نەورۆزی پیرۆزەوە جوانترین و گەرمترین پیرۆزبایی پێشکەش بە ئێوە و هەموو ڕۆڵەکانی گەلی کوردمان لە کوردستان دەکەین. لە خوای گەورە داواکارین بە خۆشی و شادی بۆتان بگەڕێنێتەوە و عێراق و گەلەکەشمان لە هەموو ناخۆشییەک بپارێزێت“.
ماڵپەڕەكە رونیشیكردوەتەوە”هەر لە نامەکەیدا، جێگری سەرۆک کۆماری عێراقی فیدڕاڵ، ئاماژەی بەوە کردووە کە گەلی کورد لەسایەی عێراقێکی فیدڕاڵیی یەکگرتوودا کە ڕۆڵەکانی لە ماف و ئەرکدا یەکسانن و لە سێبەری ئازادی و دەستوورێکدا کە ماف ئازادییەکان دەپارێزێت و دوور لە دیکتاتۆرییەت، یادی ئەم بۆنە خۆشە دەکاتەوە. ئاماژەی بەوەش کردووە کە هەموو گەلی عێراق بەپرسیارن لە بونیادنانەوەی عێراقی یەکگرتوو کە تیایدا هەموو ڕۆڵەکانی بەختەوەربن“.
