سێكسى چات و فه‌یسبووك په‌یوه‌ندى هاوسه‌رانى تێكداوه‌

نوچه‌ نێت
توێژینه‌وه‌یه‌كى به‌ریتانى ده‌رى ده‌خات، لاپتۆپ و مۆبایل په‌یوه‌ندى سێكسى نێوان هاوسه‌ران تێك ده‌دات و ئه‌و ئامێرانه‌ شوێنى په‌یوه‌ندى سۆزدارى نه‌گرنه‌وه‌.
به‌پێى هه‌واڵێك كه‌ له‌رۆژنامه‌ى (النهار)ى لوبنانى بڵاوكراوه‌ته‌وه‌. له‌ زانكۆى درۆهامى به‌ریتانى توێژینه‌وه‌یه‌ك له‌سه‌ر كاریگه‌رى ته‌كنه‌لۆژیایه‌ له‌سه‌ر په‌یوه‌ندى سێكسى هاوسه‌ران ئه‌نجام دراوه‌. ده‌ركه‌وتووه‌ ئه‌و مۆبایل و لاپتۆپه‌ى له‌سه‌ر جێگاى خه‌وتن به‌ده‌ست ژن یان مێرده‌وه‌یه‌، په‌یوه‌ندى سێكسى نێوان ژنان و پیاوانى تێكداوه‌. توێژینه‌وه‌كه‌ له‌ سه‌ر چه‌ندین هاوسه‌ر ئه‌نجام دراوه‌. له‌وانه‌ ده‌ركه‌وتووه‌ %40 ئه‌و ژن و مێردانه‌ى كه‌ وه‌ڵامى ته‌له‌فۆن ده‌ده‌نه‌وه‌ یان شه‌و كورته‌ نامه‌ ده‌نێرن و لاپه‌ڕه‌كانى ئینته‌رنێت ده‌كه‌نه‌وه‌. ئه‌وا زۆربه‌ى شه‌وان ئاماده‌یى جه‌سته‌یى و سێكسیان نابێت. بۆیه‌ دواجاریش په‌یوه‌ندى سۆزدارى و كۆمه‌ڵایه‌تیشیان تێكده‌چێت. هه‌روه‌ها ئه‌و كه‌سانه‌ى خویان به‌ فه‌یسبووك گرتووه‌. ئه‌مانیش ساردى له‌په‌یوه‌ندی نێوان هاوسه‌رییان هه‌یه‌. جۆرێكى دیكه‌ زۆر ترسناك سێكسى چاته‌. جا ئه‌و چات كردنه‌ له‌رێگاى ئه‌و سایتانه‌ بێت كه‌ له‌شفرۆشى ئه‌لكترۆینى ده‌كه‌ن. یان ئه‌و پیاوانه‌ى له‌تۆڕه‌ كۆمه‌ڵایه‌تییه‌كان له‌ په‌یوه‌ندى گه‌ڕم و سێكسى ده‌گه‌ڕێن. هه‌موو ئه‌مانه‌ هۆكارێكن بۆ تێكدانى په‌یوه‌ندى نێوان هاوسه‌ران.