نوچەنێت-ئاژانسەكان
رێكخراوی چاودێری مافەكانی مرۆڤ لە بەیاننامەیەكیدا ئاماژە بە پێشێلكارییەكانی میلیشیا شیعەكان دەكات بەرامبەر كەسانی سڤیلی سوننی.
رێكخراوەكە دەڵێت گێڕانەوەی شایەتحاڵەكان و وێنەی مانگە دەستكردەكان دەری دەخەن كە میلیشیا شیعەكان هەستاون بە سوتاندنی ماڵ و دوكانی خەڵكی سوننە و دوو گەندیشیان بە تەواوی خاپوور كردووە.
رێكخراوەكە ەڵێت جێگەی نیگەرانییە كە هێرشەكەی تكریت لەلایەن 20 هەزار چەكداری حەشدی شەعبی و تەنها 3 هەزار سەربازی سوپای عێراقەوە ئەنجامدەدرێت و چەكدارەكانی حەشدی شەعبی بە نیازی تۆڵەكردنەوە لە سوننەكانن وەك كاردانەوە بەرامبەر گوللەبارانكردنی 1200 سەربازی شیعە لە بنكە سپایكەر لە حوزەیرانی رابردودا.
