ناوه‌رۆِكى ئه‌و نامه‌یه‌ى فرۆكه‌كان بۆ خه‌ڵكى موسڵیان فرێدایه‌ خواره‌وه‌

نوچه‌ نێت
ئه‌مرۆ فرۆكه‌ جه‌نگییه‌كانى عێراق وه‌ك سه‌ره‌تایه‌ك بۆ رزگاركردنى موسڵ چه‌ند نووسراوێكیان به‌ناوى سوپاى به‌رگرى عێراق بۆ خه‌ڵكى موسڵ فڕێدایه‌ خواره‌وه‌.
ئه‌مه‌ش ده‌قى نامه‌كه‌یه‌:
بۆ خه‌ڵكى به‌رێزى شارى موسڵ
بۆ كوڕه‌ قاره‌مانه‌كانى حه‌دبا
ئه‌وا رۆژى رزگاربوون نزیكبووه‌ كه‌ زۆر چاوڕێتان كرد
ئێستا كاتى ئه‌وه‌ هاتووه‌ داعشه‌ كافر و دواكه‌وتوه‌كان له‌خاكى پێرۆزى خۆتان ده‌ربكه‌ن
برایانى ئێوه‌ له‌سه‌لاحه‌دین زه‌برێكى وایان پێدان كه‌ له‌بیرناكه‌ن، ئێوه‌ش هه‌ر واده‌كه‌ن
موسڵ شارى ئێوه‌یه‌، عێراق عێراقى ئێوه‌یه‌
هێزه‌ چه‌كداره‌كانتان له‌ئێوه‌ نزیكه‌. له‌و په‌ڕى ئاماده‌ باشى دایه‌ و په‌نا به‌خوا بۆ له‌گۆڕانانى داعشه‌كان هه‌تا هه‌تایه‌.
به‌دواى حه‌شارگه‌كانیان بڕۆن. كاره‌ دزێوه‌كانیان تۆمار بكه‌ن.
ئه‌وان ده‌ستنیشان بكه‌ن كه‌ له‌گه‌ڵ ئه‌وان شارستانیه‌ته‌ دێرینه‌كه‌ى ئێوه‌یان رووخاند
په‌نا به‌خوا و هیمه‌تى ئێوه‌ رۆژى نه‌جاتبوون نزیك بۆته‌وه‌.