نوچەنێت.ههولێر:
پاش ئەوەی ڕۆژی یەكشەممە داعش چەند مووشەكێكی كاتیۆشایان بەشێوەیەكی كوێرانە ئاراستەی ڕۆژئاوای هەولێر كرد،هێزی پشتیوانی و تۆپخانەی پێشمەرگە لە وەڵامی ئەو هەوڵە ترسنۆكانەی تیرۆریستانی داعش ئەمڕۆ زۆر بە چڕی مۆڵگە و بارەگاكانی تیرۆریستانی داعشیان لەنێو شاری موسڵ بۆردوومانكرد و زیانێكی گەورەیان پێ گەیاندن.
سەرچاوەیەكی سەربازی هێزی پێشمەرگە،لە راگەیەنراوێكدا،دەشڵێت، ئەم هێرشەی تۆپخانەی هێزی پێشمەرگەی كوردستان نامەیەكی بەهێزە بۆ تیرۆریستانی داعش و با تیرۆریستانی داعش بزانن كە هەر جۆرە هەوڵ و دەستدرێژییان بۆ سەر خاكی كوردستان و ئاسایشی هاووڵاتیان بە تووندترین شێوە لە لایەن هێزی پێشمەرگەی كوردستان وەڵام دەدرێتەوە.
دەقی راگەیێندراوەكە:
پاش ئەوەی ڕۆژی یەكشەممە 15ـی 3ـی 2015، تیرۆریستانی داعش بە مەبەستی دروستكردنی دڵەڕاوكێ لەناو خەڵك چەند مووشەكێكی كاتیۆشایان بەشێوەیەكی كوێرانە ئاراستەی ڕۆژئاوای هەولێر كرد، هێزی پشتیوانی و تۆپخانەی پێشمەرگە لە وەڵامی ئەو هەوڵە ترسنۆكانەی تیرۆریستانی داعش ئەمڕۆ 16ـی 3ـی 2015 زۆر بە چڕی مۆڵگە و بارەگاكانی تیرۆریستانی داعشیان لەنێو شاری موسڵ بۆردوومانكرد و زیانێكی گەورەیان بە تیرۆریستان گەیاند.
لە ئەنجامی ئەم بۆردوومانەی هێزی تۆپخانەی پێشمەرگەی كوردستان ژمارەیەكیی زۆری تیرۆریستان كوژراون و سەنگەر و بارەگا و ئۆتۆمۆبێل و ئامێری سەربازییان تێكشكێندراون.
ئەم هێرشەی تۆپخانەی هێزی پێشمەرگەی كوردستان نامەیەكی بەهێزە بۆ تیرۆریستانی داعش و با تیرۆریستانی داعش بزانن كە هەر جۆرە هەوڵ و دەستدرێژییان بۆ سەر خاكی كوردستان و ئاسایشی هاووڵاتیان بە تووندترین شێوە لە لایەن هێزی پێشمەرگەی كوردستان وەڵام دەدرێتەوە.
هاووڵاتی و خەڵكی سڤیلی دانیشتووی شاری موسڵیش لەوە دڵنیادەكەینەوە كە ئاگری هێزی پێشمەرگە تەنیا بارەگا و مۆڵگەكانی داعش دەكاتە ئامانج و ژیان و سەروماڵیان لە لایەن هێزی پێشمەرگەوە پارێزراو دەبێت.
سەرچاوەیەكی سەربازی لە هێزی پێشمەرگەی كوردستان
16ـی 3ـی
