263 به‌رپرسى وه‌زیر و به‌ڕێوه‌به‌رى گشتى به‌گه‌نده‌ڵى تۆمه‌تبار كراون

نوچه‌ نێت:
وته‌بێژى دادگاى فیدڕالى ئاشكراى ده‌كات، له‌ماوه‌ى 10 ساڵى رابردوودا 263 به‌رپرس له‌پله‌ى وه‌زیر و به‌رێوه‌به‌رى گشتى به‌گه‌نده‌ڵێ تۆمه‌تبار كراون.
له‌به‌یاننامه‌یه‌كدا عه‌بدولستار به‌یره‌قدار وته‌بێژى فه‌رمى دادگاى فیدڕالى ئاشكراى ده‌كات” له‌دادگاى ره‌سافه‌ له‌ به‌غدا 263 به‌رپرسى عێراق به‌ گه‌نده‌ڵى و تاوان تۆمه‌تبار كراون” كه‌ سه‌رجه‌میان وه‌زیر و به‌ڕێوه‌به‌رى گشتى و هاوشانى ئه‌و جۆره‌ پلانه‌ن. روونیشى ده‌كات كه‌ 21 له‌وانه‌ وه‌زیر بوون. هه‌ندێكیان بڕیاریان له‌باره‌ دراوه‌ و هه‌ندێكى دیكه‌ كه‌یسه‌كانیان له‌ژێر لێكۆڵینه‌وه‌ دایه‌.