نوچەنێت-وەرەدەنا
تادێت گرژییەكانی نێوان شیعەكانی عێراق و ویلایەتە یەكگرتووەكان زیاتر ئاشكرا دەبێت و لە دواهەمین لێدوانیدا هادی عامری ئەمینداری گشتی رەوتی بەدر داعش بە دەستكردی ئەمریكا ناودەبات.
هادی عامری لە لێدوانێكیدا وتویەتی هێزە عێراقییەكان بەردەوام دەبن لە راوەدوونانی داعش بۆ دەرەوەی سنووری عێراق و جەختیشی كردۆتەوە هاوپەیمانان بە تاكە فیشەكێكیش بەشداری شەڕەكەی تكریتیان نەكردووە لەدژی داعش.
هادی عامری بێئەوەی بەڵگەكان بخاتە روو وتوشیەتی “داعش بە پارەی ئەمریكا و ئەوروپا و كەنداو درووستكراوە”. عامری داعشی بە ئەفسانەیەكی ئەمریكی ناوبردووە و وتویەتی لەناوی دەبەم.
