نوچەنێت.سبەی:
سەعات 11:50خولەکى ئهمرۆ، کۆبونەوەی مەسعود بارزانی و نوێنەرانی پێنج لایەنە سیاسیە سەرەکیەکەی هەرێمی کوردستان لە هاوینەهەواری سەڵاحەدین دەستیپێکرد.
لە کۆبونەوەکەدا گفتوگۆ لەبارەی بارودۆخی ئێستای هەرێمی کوردستان و کێشە و قەیرانەکان و پەیوەندییەکانی نێوان هەولێر و بەغداو هەروەها روبەڕوبونەوەی داعش دەکرێت.
بەشداربوانی کۆبونەوەکەش پێکهاتون لە؛ عومەر سەید عەلی و جەلال جەوهەر لە بزوتنەوەی گۆڕان، لە پارتیش نێچیرڤان بارزانی و فازیل میرانی و ئازاد بەرواری، لە یەکێتی قوباد تاڵەبانی و مەلا بەختیار و عومەر فەتاح، هەروەها محەممەد فەرەج و هیوا میرزا سابیر لە یەکگرتوی ئیسلامی و لە کۆمەڵی ئیسلامیش عەلی باپیر و نازم عەبدوڵا بەشدارن، هاوکات ئاشتی هەورامی وەزیری سامانە سروشتییەکانیش لە کۆبونەوەکەدا بەشدارە.
