بەرهەم ساڵح: حکومەت لە ڕێگەی پەڕلەمان و هەڵبژاردنەوە دەکرێت دەکرێت بگۆڕدرێت و بەلاو بنرێت هیچ شتێک ئەوە ناهێنت خوێنی مناڵێکی کوردی لەسەر بڕژرێت
نوچەنێت
پێشنیوهڕۆی 6-5 بهئامادهبوونی د.بهرههم ئهحمهد ساڵح سهرۆكی حكومهتی ههرێمی كوردستان، لێپرسراوانی حكومی و حزبی و ژمارهیهكی بهرچاو له هاووڵاتیان، حهوتهمین كهرنهڤاڵی ساڵانهی ئێل بهگی جاف له قهرهداغ دهستیپێكرد د. بەرهەم ساڵح وتارێکی پێشکەش کرد.
دەقی وتارەکەی د.بەرهەم ئەحمەدا ساڵح.
خۆشحاڵم دەرفەتی ئەوەم بۆ رەخساوە بێمە خزمەتتان، سوپاسی داوەتکردنتان دەکەم سوپاسی ئەو دەفەرە دەکەم، لەم رۆژە خۆشەدا هاوبەشی خۆشی و هاوبەشی بەسەرکردنەوەی یادو یادەوەرییە خۆشەکانی ئێل بەگی جاف و هۆزەکانی کوردستان بین، جاف پێگەیەکی سەرەکی لەکوردەواریدا هەبووە و هەیە، پێگەیەکی سەرەکی لەناو ئەم کۆمەڵگەیەدا هەمیشە هەبووە. وە گەورە پیاوی لێهاتوو و لێزان خەمخۆر دڵسۆز ی ئەم وڵاتەی تیا هەڵکەوتووە، خزمەتی گەورەیان بەوڵات گەیاندووە، ئەگەر بێینە سەر باسی گەورە پیاوانی جاف لەبوارەکانی رۆشنبیری و فەرهەنگ و زانایانی ئاینی و سیاسەتمەدارو بەڵێ پێشمەرگەی نەبەردو جەنگاوەریش، ئەوە هەرکۆتایی نایەت، لەناو ئێوە کەڵە پیاوو پێشمەرگەی جەنگاوەرو خەباتکەرو خزمەتگوزاری واتان تیا هەڵکەوتووە، کە هەمیشە هەموو ئەندامێکی ئەم هۆزە شانازی هەتاهەتان پێوە بکات، بۆ کوردیش ئێوە مایەی شانازی و تەقدیرو رێزو ئێحترامن.
لەم رۆژە خۆشەدا خوشک و برایان، ناکرێ باسی وەزعی وڵاتەکەشمان نەکەین، کەبەوەزعێکی هەستیارو قۆناغێکی نوێدا تێدەپەڕێ، بەڵام لەئێوە دەپرسم؟ بەراوردی ئەمرۆتان بە ٢٠ ساڵ لەمەوبەر چ هەنگاوی گەورەو خۆشگوزەرانی دەبینن؟. زۆر دەبینن. کورد جاران دەیوت، ساڵ بەساڵ خۆزگەم بەپار، ئەمرۆ کورد دەتوانێ بڵێ ساڵ بەساڵ چاو دەبڕمە ئایندەیەکی گەشتر و ساڵ بەساڵ وەزعمان بەرەو باشتر، ئەو ئازادی و خۆشگوزەرانی و خۆشییەی لەم وڵاتەدایە بەئاسانی نەهاتۆتەدی، بەرەنج و ماندوو بون و قوربانی و فرمێسکی چەندین نەوەی دوای نەوە هاتۆتە کایە، بۆیە پاراستنی ئەو ئازادییە ئەرکی سەر شانی هەموومانە، ئەرکی سەر شانی نەوەی نوێیە بەتایبەتی.
لەکاتێکدا شانازی بەدەستکەوت و ئازادی و خۆشگوزەرانیەکان و خزمەتگوزارییەکانمانەوە دەکەین، لەهەمانکاتیشدا، دەڵێین بەڵێ کەموکورتیمان هەیە، ئێمە دەبێت ئەوەندە دڵسۆزی وڵاتەکەمان بین ترسمان نەبێ دودڵ نەبین لەوەی دەستنیشانی کەموکورتیەکانمان بکەین.
خەمخۆرانی ئەم وڵاتە لەپێش خەڵکی تری نەیارەوە دان بەکەموکورتیەکاندا دەنێن پێداگری دەکەن لەسەر چاکسازی و لەسەر نوێ بونەوە و لەسەر تەکاندان بەم وەزعە بەرەو ئایندەیەکی گەشترو باشتر.ئێمە ترسمان نیە لەوەی بڵێین کەموو کوڕی لە حوکمڕانی و لە ئەدائی دەزگاکانی حکومەت و حزبەکانماندا هەیە ئێمە ئەوەندە دڵسۆزی وڵاتەکەمان و ئەوەندە دڵسۆزی رابردوی پڕ سەروەری میللەتەکەمانین کەبڵێین ئەو کەموکورتیانە هەن و ئەو کەموکورتیانە دەبێت چارەسەر بکرێت، تاکە ڕێگاش بۆ چارەسەرکردنی ئەو کەموکوڕیانە، تۆکمەکردنی ریزەکانی خۆمانە، ڕێکخستنەوەی ناوماڵی کوردە، تەبایی و ئاشتەوایی ناوماڵی کوردە، باچیتر رۆڵەکانی ئەم میللەتە دوچاری نەهامەتی شەڕی ناوخۆو خوێنڕشتنی یەکتر نەکەین، باچیتر بەهەر پاساوو ناوێکەوە بێت، رق و کینە دانەبەزێنینە خوارەوە رۆژگارێک هەبوو ئەم میللەتە دوچاری مەینەتی شەڕی ناوخۆبوو. ئێستا ئەرکی ئێمە خۆشەویستی یەکتر. تەبایی نیوماڵی کورد. ئاشتەوایی نێوماڵی کورد بۆ نەوەکانی نوێمان دابین بکەین، نەوەک ئەو ناکۆکیانەمان بهێنینە ناومناڵەکانمان و جارێکی تر نەهامەتی و ناخۆشییەکانی رابردوو ریشەدار بکەینەوە، لەناو ئەم قۆناغەی نوێی میللەتەکەماندا، بۆیە من لێرەوە دەڵێم، وەک چەند جاری تریش پەیاممان راگەیاندوە، پەیامی ئێمە پەیامی ئاشتییە پەیامی ئەوەیە، ئۆپۆزسیۆن و دەسەڵات، بۆچونە جیاجیاکان لەسایەی ماڵی کورددا، لەسایەی پەڕلەمانی کورددا، لەسایەی دەزگا شەرعیەکانی کوردستاندا، پێکەوە دانیشین باس باس لەوەزعی وڵاتەکەی خۆمان بکەین تەکبیر لە چارەسەری حەقیقی کێشەو گرفتەکانمان بکەین، چیتر با ئەو پەیامە زبرەی راگەیاندن، نەبێتە مایەی ئاژاوەو رق و کینە لەناو کۆمەڵانی خەڵکدا، کاتی ئەوە هاتووە، دەزگاکانی راگەیاندنی هەموو لایەنەکان، کۆتایی بەم هەڵمەتی راگەیاندنە بهێنن لەپەیامی زبری تەخوینکردن و تەشهیر کردنەوە پەیامی خۆشەویستی و تەبایی و حورمەتکردن لەبەهاپیرۆزەکانی میللەتەکەمان وە حورمەتگرتن لەدەستکەوتەکانمان، بەڵێ پێداگریش لەسەر چاکسازی پەیامی ئەوە رابگەیەنن، کاتی ئەوە هاتووە، لەجیاتی وروژاندن و چەواشەکردنی خەڵک بەناهەق، لەجیاتی هەوڵی پەخستنی خزمەتگوزارییەکانی خەڵک، لەجیاتی پەکخستنی سیستەمی پەروەردە فێرکردنی مناڵەکانمان و کەرتی تەندروستی، با پێکەوە کار بکەین ئەو دەرامەت و ئیمکانیەتەی لەبەردەستماندایە بۆ خزمەتی خەڵک بەکاری بهێنین، جیاوزی و ناکۆکیەکانمان نەبنە هۆی پشێوی و ئاژاوە نانەوە لەناو خەڵکدا، کاتی ئەوە هاتووە زوو بە زوو هەموو لانە سیاسیە سەرەکیەکانی وڵات، بەئۆپۆزسیۆن و دەسەڵاتەوە پێکەوە لەسەر دەستی حکومەتی هەرێمی کوردستان، لەسەر دەستی پەڕلەمانی کوردستان، لەسەر دەستی سەرۆکی هەرێمی کوردستان و دامەزراوە شەرعیەکانی کوردسان، گفتوگۆی جدی دەست پیبکەن بۆ کۆتایی هێنان بەو حاڵەتە نەخوازراوە.
لێرەوە ئەمەوێ بەئێوە بڵێم خوشک و برایان، لەم دوومانگەی رابردوودا وەزعێکی زۆر نەخوازراو هاتە وڵاتەکەمان، کۆمەڵێک هاوڵاتی، کۆمەڵێک پێشمەرگەو پۆلیس ئاسایش هەم شەهیدبوون هەم بریندار بوون، ئەوانە هەموو کوڕ و کەسوکاری خۆمانن بەئۆپۆزسیۆن و بەوانی حکومەت، هەر قەترە خوێنێک لەلوتی مناڵێکی کورد هاتبێت زەرەو زیانە لەهەموومان بۆیە لێرەوە ئەمەوێ ئەوە بەئێوە رابگەیەنم، ئەو کەسانەی کە دوو چاری شەهیدبوون و برینداربوون بوون، لەماوەی رابردوودا چ هاوڵاتی لەهەر لایەنێک بن، ئێمە وەکو حکومەتی هەرێمی کوردستان مامەڵەی شەهید و بەپێوەری ئەوانەی کە توشی کەمئەندامی بوون بەپێوەری کەمئەندام مامەڵەیان لەگەڵ دەکەین، ئەمە پەیامی ئەوەیە ئێمە نابێ رق لەدڵبگرین ئەوانەش کەسو کاری ئێمەن.
لێرەوە پەیامی ئاشتەوایی بەڵام ئاشتەوایی بۆ پاراستنی شەرعیەتی حکومەتی هەریـی کوردستان و سەرۆکایەتی هەرێمی کوردستان و پەڕلەمانی کوردستان، بۆ شەرعیەتی دامەزراوە شەرعیە هەڵبژێردراوەکانی کوردستان، حکومەت کەمو کورتی هەیە لە ڕێگەی پەڕلەمان و لەڕێگەی هەڵبژاردنەوە دەکرێت چارەسەر بکرێت، دەکرێت بگۆڕدرێت، دەکرێت بەلاوە بنرێت، هیچ شتێک ئەوە ناهێنت خوێنی مناڵێکی کوردی لەسەر بڕژرێت، با هەموومان بە بۆچونە جیاوازەکانمانەوە یەک دەست بین یەک ئیرادەبین بۆ ئەوەی کوردستانەکەمان ئاوەدانتر بکەین کەموکورتیەکانمان چارەسەر بکەین.
من دڵنیام لەوەی ئەو میللەتەی گەورە پیاوو کەڵەپیاوی تێکۆشەری وەکو ئێوە مانانی هێناوەتە کایەوە، لەئێلی جافەوە خزمەتی کوردایەتیان کردووە، ئەو میللەتە هەرگیزاو هەرگیز، دەستبەرداری ئەو ئازادی و ئەو ئاوەدانیە نابێ کەموکوتیەکانیشی وەک و پەرۆشی خۆی بۆ ئەم وڵاتە هەوڵ ئەدا چارەسەری بکات.
خوشک و برایانی ئێل بەگی جاف ئەی جەماوەری بەشەرفەی کوردستان، خوایار بێت هەمیشە لەبەهاری ئازادی، لەبەهاری خۆشی، لەبەهاری ئاوەدانی، خوا یاربێ و بەپشتیوانی ئێوەش ئێمەمانان هەمیشە لەخزمەتانا ئەبین ساڵ بەساڵ وڵاتەکەمان جوانتر ساڵ بەساڵ وڵاتەکەمان ئاوەدانتر ئێوەش هەر سەرفراز و سەرکەوتوو ئاوەدان بن.
