ئەمریکا ڕایدەگەیەنێت: نازانین بەیانی داعش لە کوێ دەبێت
نوجە.نیت.ئاژانسەکان
وەزیری دەرەوەی ئەمریکا ڕایدەگەیەنێت: نازانین بەیانی داعش لە کوێ دەبێت و ڕەنگە شەڕی ئەو گرووپە درێژە بکێشێت.
جۆن کیری وەزیری دەرەوەی ئەمریکا لە چاوپێکەوتنێکی تەلەفەزیۆنیدا ڕایگەیاند: قەیرانی سوریا و ئەو بارودۆخەی ئەو وڵاتە ئێستا تێیدایە وایکردووە کە ڕۆڵی ئەمریکا بە نەرێنی دەربکەوێت.
وتیشی: ھیوای زۆر ھەیە ئاشتی لە خۆرھەڵاتی ناوەڕاست بچەسپێت و لە ھەوڵی ئەوەداین ھێزێک لە لایەنە سورییەکان دروست بکەین کە بتوانێت بەشار ئەسەد سەرۆکی ئەو وڵاتە بھێنێتەوە سەر مێزی گفتوگۆکان.
وەزیری دەرەوەی ئەمریکا لە بارەی گرووپی چەکداری داعشەوە ئاشکرایکرد: تا ئێستا ھیچ گرووپێکی تیرۆریستی بەشێوەی داعش بەو ماوە کەمە بەھێز نەبووە و دەسەڵاتیان نەبووە، ھەروەھا ئەوەشی خستەڕوو، داھاتووی گرووپی چەکداری داعش دیار نییە و نازانین بەیانی ئەو گرووپە لە کوێ دەبێت، ڕەنگە شەڕ لە دژی داعش درێژە بکێشێت.
