60 گوندی قەزای داقوق لە ژێر دەستی داعش دان
نوچە: كەركوك
سەرۆكی ئەنجومەنی قەزای داقوق رایگەیاند، كە تا ئێستایش نزیكەی 60 گوندی قەزاكە لە ژێر دەستی داعشدان.
ئەمیر خواكەرەم، سەرۆكی ئەنجومەنی قەزای داقوق وتی “دانیشتوانی سەرجەم ئەو گوندانە، عەرەبی سونە مەزهەبن”.
سەرۆكی ئەنجومەنی قەزاكە وتیشی “لە چەند ناوچەیەكیش چەكدارانی داعش بازگەیان داناوە”.
ناوەندی قەزای داقوق لە ژێر دەسەڵاتی هێزی پێشمەرگەدایە، قەزاكە سەر بەپارێزگای كەركوكە (٤٠كم باشوری كەركوك)و لە 102 گوند پێكهاتوە، دانیشوانەكەی لە كوردو عەرەبی سونەو شیعەو توركمان پێكهاتوون.
