نوچەنێت
وەزارەتی تەندروستی حکومەتی هەرێمی کوردستان، ئاماری هەفتەیەکی دۆخی کۆرۆنای رایگەیاند.
بەپێی ئامارەکانی وەزارەتی تەندروستی، ٣٩ هەزار و ٩٤٦ کەس توشی کۆرۆنا بون، ٢٥ هەزار و ٦٦٣ کەس چاکبونەتەوە و ١٣ هەزار و ٢١١ کەس لە ژێر چارەسەردان و هەزار و ٤٧٢ کەسیش گیانیان لەدەستداوە.
وەزارەتی تەندروستی حکومەتی هەرێمی کوردستان رایگەیاند: لە ماوەی هەفتەیەکدا ٣٩ هەزار و ٣١٦ پشکنینی کۆرۆنا ئەنجامدراون، کە ١١ هەزار و یەک پشکنینیان لە هەولێر، شەش هەزار و ٦٣١ پشکنین لە سلێمانی، ٢١ هەزار و ٤٠١ پشکنین لە دهۆک و ٢٤٣ پشکنین لە هەڵەبجە بون.
لە ماوەی هەفتەیەکدا چوار هەزار و ٥٣٧ توشبوی کۆرۆنا دەستنیشانکراون، کە دەکاتە ٪١١.٥کۆی گشتی پشکنینەکانی کۆرۆنا، ١٦٤ کەس گیانیان لەدەستداوە، کە ٣٤ لە هەولێر، ٦٣ لە سلێمانی، ٦٣ لە دهۆک و ٤ کەس لە هەڵەبجە بون.
لەبارەی ئامارەکانی چاکبوانی کۆرۆنا، وەزارەتی تەندروستی باسی لەوەکردوە، دو هەزار و ٩٣٧ کەس چاکبونەتەوە و کۆرۆنایان پەڕاندوە و چاکبونەتەوە، کە هەزار و ٤١٠ لە هەولێر، ٤٥١ لە سلێمانی، ٩٢٢ لە دهۆک و ١٥٤ لە هەڵەبجە بون.
