نوچە-ئاژانسەکان
سەرۆکی دەزگای دیپلۆماسی ئەمریکا، گەشتیکی بۆ ڕۆژهەڵاتی ناوەڕاست بە ئامانجی رێکخستنی بەرەیەک لە دژی ئێران دەست پێکرد.
مایک پۆمپیۆ، وەزیری دەرەوەی ئەمریکا، ئەمڕۆ دووشەممە،٢٤-٨-٢٠٢٠، گەیشتە ئیسرائیل و بڕیارە لە گەڵ سەرانی ئەم وڵاتە کۆبێتەوە.
میدیاکانی ئیسرائیل رایانگەیاند: تەوەری گفتوگۆکانی ئەمڕۆ پۆمپیۆ لە گەڵ سەرانی ئیسرائیل رێککەوتنی ئاشتی نێونا ئەبوزەبی و تەلئەبیب و هەروەها چڕکردنەوەی گوشارەکانی سەر ئێرانە.
ئامانجێکی دیکەی ئەم سەردانەی پۆمپیۆ بۆ ناوچەکە ، وەگەڕخستنی هەوڵەکانی واشنتۆنە بۆ ئاساییکردنەوە پەیوەندی وڵاتانی عەرەبی لە گەل ئیسرائیل و رێکخستنی بەرەیەک لە دژی ئێرانە.
لە درێژەی سەردانەکەی بۆ ڕۆژهەڵاتی ناوەڕاست، سەرۆکی دەزگای دیپلۆماسی ئەمریکا دەچیتە بەحرەین و سودان.
