نوچە-سکای نیوز
سەرۆکی دەزگای هەواڵگری ئیسرائیل ئاشکرای دەکات، کە تەل ئەبیب لەگەڵ وڵاتێکی دیکەی عەرەبی گەیشتۆتە ڕێککەوتن.
ئەمڕۆ چووارشەممە ١٩-ی ئەگۆست، کوهن سەرۆکی موساد ڕایگەیاند، لەگەڵ سودان وەک وڵاتێکی عەرەبی لە گفتوگۆدان تاکوو پەیوەندییەکانیان ئاسایی بکەنەوە.
بە گوتەی سەرۆکی دەزگای هەواڵگری، لە ئێستادا ڕەوتی گفوگۆکان لەگەڵ سودان و ژمارەیەک لە وڵاتانی دیکەی عەرەبی و ئەفریقی دەستی پێکردووە.
هاوکات وەزیری دەرەوەی سودان، بە سکای نیوزی گوتووە، هیچ هۆکارێک بۆ بەردەوام بوونی دوژمنایەتی لە نێوان سودان و ئیسرائیل نابینین و بە گوێرەی بەرژەوەندییەکانمان لەگەڵ ئەم وڵاتە ڕێککەوتنی ئاشتی واژۆ دەکەین.
ئیسرائیل هەفتەی ڕابردوو لەگەڵ ئیمارات و بە نێوەندگیری سەرۆکی ئەمریکا، ڕێککەوتنی ئاشتی واژۆ کرد.
