نوچە-ئاژانسی هەواڵی عێراق
هاوپەیمانی عراقیون، سەبارەت بە سەردانەکەی مستەفا کازمی بۆ واشنتۆن هەڵوێستی وەرگرت.
«حسن فدعم»، نوێنەری هاوپیەمانی عراقیون، ئەمڕۆ شەممە ١٥-ی ئەگۆست، لەبارەی سەردانەکەی مستەفا کازمی بۆ واشنتۆن، کە بڕیارە ٢٠-ی مانگ ئەنجام بدرێت، گوتی: ئەم سەردانە لە زۆر ڕووەوە گرینگە و خاڵی وەرچەرخانە لە پەیوەندییەکانی بەغدا و واشنتۆن.
نوێنەری هاوپەیمانی عراقیون جەختیشی کردەوە، کە هەر جۆرە پەیوەندییەک لەگەڵ ئەمریکا، دەبێ لە سەر بنەمای هاوسەنگ و رێزی بەرامبەر بێت.
بە گوتەی فدعم، ئەمریکا لە جیهاندا وڵاتێکی گەورە و زلهێزی جیهانە و دەتوانێ یارمەتیدەر بێت لە پەڕینەوەی عێراق لەو قەیرانانەی، کە بەرۆکی گرتووە.
ئەم ئەندامەی هاوپەیمانی عراقیون ئەوەشی خستەڕوو، کە واشنتۆن بەرامبەر بە عێراق بەڵێنی داوە و ئەم بەڵێنانەش بە پێی ئەو ڕێککەوتنانەن، کە لە نێوان بەغدا و ئەمریکا واژۆ کراون.
