نوچە
وەزارەتی تەندروستی هەرێمی کوردستان ئاماری 24 کاتژمێری رابردووی بڵاوکردەوە و تێیدا دەڵێت، 658 تووشبووی نوێی کۆرۆنا تۆمارکراون و 20 تووشبوویش گیانیان لەدەستداوە.
لە راگەیێندراوی وەزارەتی تەندروستیی هەرێمی کوردستاندا هاتووە، لە 24 کاتژمێری رابردوو سێ هەزار و 524 پشکنینی کۆرۆنا ئەنجامدراوە، کە زۆرترینین لە هەولێر بووە، دوای ئەویش دهۆک و سلێمانی دێن.
658 تووشبووی نوێ لە هەرێمی کوردستان تۆمارکراون کە بەمشێوەیەن:
هەولێر: 443 تووشبوو
سلێمانی: 128 تووشبوو
گەرمیان: 20 تووشبوو
دهۆک: 67 تووشبوو
ژمارەی ئەوانەی چاکبوونەتەوە 179 کەسن:
هەولێر: 115 کەس
گەرمیان: 25 کەس
دهۆک: 39 کەس
لە 24 کاتژمێری رابردوو 20 کەس بە کۆرۆنا گیانیان لەدەستداوە:
هەولێر: 13 تووشبوو
سلێمانی: 6 تووشبوو
گەرمیان: یەک تووشبوو
ئێستا لە هەرێمی کوردستان 20 هەزار و 660 تووشبووی دەستنیشانکراوی کۆرۆنا هەن، کە 11 هەزار و 207 کەسیان چاکبوونەتەوە و 732 کەسیان گیانیان لەدەستداوە.
وەزارەتی تەندروستی هەرێمی کوردستان داوا لە هاونیشتمانیان دەکات بۆ رێگری لە بەرزبوونەوەی زیاتری ژمارەی تووشبووان، پابەندی رێنمانییە تەندروستییەکان بن.
