شاندێكی كوردی لەڕێی بەغدا رفێنران
نوچە.نیت.رووداو
شاندێک کە لە کەرکووکەوە بەمەبەستی وەرگرتنی مووچەی پارێزگاکەیان چووبوونە بەغدا،لە کاتی گەڕانەوەیان رفێنراون و دیار نییە لەلایەن کێوە رفێنراون.
شاندێک کە لە کەرکووکەوە بەمەبەستی وەرگرتنی مووچەی پارێزگاکەیان چووبوونە بەغدا،لە کاتی گەڕانەوەیان رفێنراون و دیار نییە لەلایەن کێوە رفێنراون.
رێبوار تاڵەبانی، جێگری سەرۆکی ئەنجوومەنی پارێزگای کەرکووک بە تۆڕی میدیایی رووداوی راگەیاند “شاندەکە لە دوو بەش پێکهاتبوو، کە نوێنەری سەرۆکایەتی زانکۆ، سەرۆکایەتی تەندرووستی و نوێنەری ئەنجوومەنی پارێزگای کەرکووک بوون”.
گوتیشی لە شارەبان رفێندراون.
سەبارەت بەوەی چییان پێبووە رێبوار تاڵەبانی گوتی “ئەوان سکوک و موستەنەداتانەیان دەهێنا کە ئاگادارکردنەوەی بانکی ناوەندیە بۆ بانکەکانی کەرکووک بە مەبەستی پێدانی مووچەی فەرمانبەرانی کەرکووک.”
بە گوتەی رێبوار تاڵەبانی ئەو شاندە لەلایەن سەرۆکایەتی زانکۆ بەڕێکراون و تاوەکو ئێستا زانیاری نییە کە بە فڕۆکە چوون یان لە رێگەی ئۆتۆمبێلەوە.
