ئەسعەد مورادی
گوتەبێژی پۆلیسی سلێمانی رایدەگەیەنێت، پزیشکێک لە سلێمانی کۆتایی بەژیانی خۆی ھێنا.
لە لێدوانێی تایبەت بە نوچە، نەقیب سهركهوت ئهحمهد، گوتەبێژی بەڕێوبەرایەتی پۆلیسى سلێمانى ڕاگهیاند: ئەمڕۆ (چوارشهممه 12-8-2020)، له یهكێك له گهڕهكهكانى شارى سلێمانى پزیشكێكى پسپۆڕى ههناو بهناوى (ی.م)، له نھۆمی دووهمى خانووهكهى خۆیدا، فیشهكێكى ناوه به سهریهوه و دهستبهجێ گیانى لهدهست داوه”.
سهركهوت ئهحمهد گوتیشى “ئهو پزیشكه خێزانداره و تا ئێستا دیار نییه ھۆکاری خۆکوشتنەکەی چییه و بە گوتەی ھاوسەرەکەی ھیچ کێشەیەکی کۆمەڵایەتی نەبووە”.
گوتەبێژی پۆلیسی سلێمانی ئاماژەی بەوەشدا، کە تیمهكانى لێكۆڵینهوهى تاوان چوونهته شوێنى ڕووداوهكه، ھەروەھا تهرمهكهش ڕەوانەی پزیشكى دادوهریى سلێمانی کراوە و لێکۆڵینەوە لە ڕووداوەکە دەستی پێکردووە.
