نوچە-ڕۆیتەرز
نەبیلە میسرالی، گوتەبێژی پەیوەندیەکانی دەرەوەی یەکێتی ئەوروپا دەڵێت، پەیوەندییەکانی ئەم یەکێتییە و تورکیا لە دۆخی تەنگژەدایە و تا دێت ئاڵۆزتر دەبێت.
بە گوتەی میسراڵی، جموجۆڵەکانی تورکیا لە ناوچەی رۆژهەڵاتی دەریای مەدیتەرانە زیان بە بەرژەوەندی وڵاتانی ئەوروپی دەگەیەنێ و لە رووی ئەمنییشەوە زیانبەخشە.
گوتەبێژی پەیوەندییەکانی دەرەوەی یەکێتی ئەوروپا، لەبارەی سزاکانی سەر تورکیا دەڵێت، ئەم بابەتە لە کۆبوونەوەی وەزیرانی دەرەوەی یەکێتی ئەوروپا گفتوگۆ لەبارەوە دەکرێ، کە بڕیاری کۆتایی مانگی ئەگۆست بەڕێوەبچێت.
