نوچە-ئاژانسەکان
وەزارەتی تەندروستی ئێران، ئەمڕۆ پێنجشەممە،٣٠ی جولای دوایین بەراوردکاری سەبارەت بە دۆخی کۆرۆنا و رێژەی توشبوون و گیان لەدەستانی بە هۆی ئەم پەتاوە بڵاو کردەوە.
ئیرەج حەریرچی، جێگری وەزیری تەندروستی ئێران دۆخی تاران بە هیڵی کارەسات وەسف دەکات و دەڵێت: لە هەر ١٤ تووشبوو لەم شارە یەک کەسیان گیان لە دەست دەدات.
بە گوتەی حەریرچی، لە پێنج مانگی ڕابردوودا بە شێوەی مامناوەند، ١٠٢ کە س لە ئێران بە هۆی بڵاوبوونەوەی پەتای کۆرۆنا گیانیان لە دەست داوە.
حەریرچی هەروەها باس لە توشبوونی کەسانی کەم تەمەن دەکات و دەڵێت: دەبێ وریای گەنجەکان و منداڵان بین.
سەرباری هۆشداری شارەزایانی بواری تەندروستی، حکومەتی ئێران پێداگری لە سەر بەڕێوەچوونی رێوڕەسمە ئایینی و دەوڵەتیەکان دەکاتەوە.
تەنانەت هۆشداری دراوە، کە بەڕێوەچونی ڕێوڕەسمەکانی مانگی موحەڕەم کارەساتی مرۆیی بەدوادا دێ.
