نوچە-البیان
ئۆزبەکستان بۆ ڕاکێشانی گەشتیاران رایگەیاند: ئەگەر هەر گەشتیارێکی بیانی لە کاتی مانەوەی لەم وڵاتە توشی ڤایرۆسی کۆرۆنا ببێت، ٣ هەزار دۆلاری پێدەدرێت.
لە کاتێکدا زۆربەی وڵاتانی جیهان، بۆ بەرەنگاربوونەوە و ریگری لە بڵاو بوونەوەی ڤایرۆسی کۆرۆنا سنورەکان و پەیوەندیەکانی خۆیان لە گەڵ وڵاتانی دیکە داخستووە، ئۆزبەکستان لە هەنگاوێکی سەرنجڕاکێش بۆ ڕاکێشانی گەشتیاری بیانی ئەم بڕیاری دەرکردووە.
ئۆزبەکستان دڵنیایی دەدات، کە دەتوانێ شوێنێکی ئارام و دوور لە توشبوون بە ڤایرۆسی کۆرۆنا بۆ گەشتیاران فەراهەم بکات.هەروەها ڕایگەیاندووە: لە ئەگەری تووشبوونیان بە ڤایرۆسی کۆرۆنا، ٣ هەزار دۆلاریان وەک قەرەبوو پێدەدات.
