نوچەنێت
بەڕێوەبەرایەتیی پۆلیسی پارێزگای هەولێر، کوژرانی ژنێکی لەلایەن مێردەکەیەوە راگەیاند.
پێشنیوەڕۆی ئەمڕۆ چوارشەممە، ٢٢-٧-٢٠٢٠، لە قەزای بنەسڵاوەی سەر بە پارێزگای هەولێر پیاوێک ژنەکەی بە دەمانچە دەکوژێت.
بەڕێوەبەرایەتیی پۆلیسی پارێزگای هەولێر رایگەیاند: دوای ئاگادارکردنەوەی بەڕێوەبەرایەتیی پۆلیسی پارێزگای هەولێر، لە بوونی ڕووداوێکی کوشتن لە قەزای دەشتی هەولێر لە بنەسڵاوە، دەستبەجێ تیمێکی لێکۆڵینەوە پێک هێندرا و گەیشتنە شوێنی ڕووداوەکە.
لە راگەیێندرای بەڕێوەبەرایتەیی پۆلیسی هەولێردا هاتووە: دوای لێکۆڵینەوەیەکی وورد لە ڕووداوەکە، دەرکەوت کەوا ئافرەتێک بەناوی (هنا حەمید لەتیف) لەلایەن مێردەکەی بەناوی (ک.ح.ج) کوژراوە و ھێزەکانی پۆلیس توانیان لە ماوەی کەمتر لە دوو کاتژمێردا بەپێی مادە (٤۰٥) لە یاسای سزادانی عێراقی تۆمەتبار دەستگیر بکەن.
