نوچە-ئاژانسی هەواڵی عێراق
هاوپەیمانی فەتح لە پەرلەمانی عێراق، داوا لە سەرۆک وەزیران دەکات، کە دۆسیەی خۆپیشاندانەکانی ئەم وڵاتە بخاتە ئەولەوییەتی کاروباری خۆیەوە.
ئەمڕۆ یەکشەممە ١٢-ی جولای، هاوپەیمانی فەتح، لە بەیانێکی فەرمیدا ڕایگەیاند: مامەڵەی توندوتیژ لەگەڵ خۆپیشاندەرانی عێراق و ڕشتنی خوێنی بە ناحەقی ئەوان لە لایەن هێزە ئەمنیەکانەوە جێی داخە و ئەمەش پێشێلکردنی ئاشکرای دەستوری عێراقە.
هاوپەیمانی فەتح جەختیش دەکاتەوە، کە کابینەی نوێی حکومەتی عێراق، بە هاوکاری لایەنە سیاسییەکان و پەرلەمان، کەیسی خۆپیشاندانەکان بخاتە سەر مێز و چارەسەرێکی بۆ بدۆزێتەوە.
ئەم هاوپەیمانییە هۆشداریش دەدات و دەشڵێت، نادیدەگرتنی ویست و داوای خۆپیشاندەران، زیاتر لە ڕابردوو عێراق بەرەو قەیران دەبات.
