نوچەنێت
هۆشداری لەبارەی هاتنی شەپۆلێکی گەرمای بەهێز لە هەرێمی کوردستان دەدرێت.
کەشناسێکی عیراقی دەڵێت: لە ئەمڕۆ هەینی ٣-٧-٢٠٢٠، شەپۆلێکی گەرمای بەهێز روو لەهەرێمی کوردستان و عیراق دەکات، لە هەندێ ناوچە بۆ سەرو٥٠ پلەی سەدی بەرزدەبێتەوە.
مستەفا ئەلقەیسی، کەشناسی عێراقی رایگەیاند: لەمڕۆ هەینی ٣ی تەموز، پلەی گەرمی لە ناوچەکانی ناوەڕاست و باشووری عێراق بۆ ٥٠ پلەی سەدی بەرز دەبێتەوە. ناوچەکانی هەرێمی کوردستان، لەنێوان ٤٤ -٤٦ پلەی سەدی دەبێت و لە رۆژئاوای عێراقیش دەگاتە ٤٨ پلەی سەدی.
بەپێی پێشبینییەکان، ئەم شەپۆلی گەرمایە تا کۆتایی ئەم هەفتەیە بەردەوام بێت.
