شلێر سەعید: هەولێڕ
ئەمڕۆ سێشەممە لە گوندێكی سەربە ناحیەی سیدەكان شەڕ لەنێوان دوو بنەماڵە روودەدات و لە ئەنجامدا 3 كەس لەیەك بنەماڵە دەكوژرێت.
لە لێدوانێكی تایبەتدا سەبارەت رووداوی کوشتن لە سیدەکان، ڕاگەیاندنی پۆلیسی سۆران شەمال دێواری حامد بەنوچەی ڕاگەیاند: كاتژمێر ١٠:٠٠ سەرلەبەیانی ئەمڕۆ ئاگاداركراینەوە شەڕێك هەیە لەنیوان دووبنەماڵە لە گوندی كەژەك، سەربەناحیەی سیدەكان، بەداخەوە لە ئەنجامدا سێ كەس كوژران لە بنەماڵەیەك و دوو كەسیشیان بریندارن.
گوتیشی بنەماڵەكەی دیكەش كەسێك بریندارە و پێنج تۆمەتبار دەستگیركراون.
ڕاگەیاندنی پۆلیسی سۆران ئاماژەی بەوەشكرد، كە ئێستا هێزێكی زۆری لێیە و بارودۆخەكە لەژێر كۆنتڕۆڵدایە.
شەماڵ دێواری ڕوونیشی كردەوە، كە ناكۆكیەكەیان بەهۆی زەوی و زارەوە بووە.
