شلێر سەعید
ژمارەی تووشبوون بە كۆرۆنا و گیان لەدەستدان لە عێراق لە بەرزبونەوەی بەردەوام دایە ، بەشێوەك لەماڵەكانی خۆیان كەوتون و داوای بتڵی ئۆكسجین دەكەن. بەم هۆیەوە عیراق قەدەغەی ھاتووچۆی لە چەند پارێزگایەك راگەیاند.
بەهۆی زیادبوونی ژمارەی تووشبووان بە پەتای کۆرۆنا و بەرزبوونەوەی ژمارەی مردوان ، لە پارێزگاکانی کەربەلا، دیوانیە و زیقار، قەدەغەی هاتووچۆی تەواو راگەیێدنرایەوە و لە پارێزگاکانی واست و نەجەفیش، بڕیارەکە تەنیا چەند ناوچەیەک دەگرێتەوە.
چالاكوانێكی كۆمەڵگەی مەدەنی دەڵێت: ئەگەر ڤایرۆسی کۆرۆنا، بەم شێوەیە تەشەنە بكات كارەساتی گەورەی لێدەكەوێتەوە.
بەگوێرەی ئاماری وەزارەتی تەندروستی عێراق، دوێنێ، هەزار ٨٧٠ كەس لە عێراق تووشی کۆرۆنا بوون و ٨٨ کەس گیانیان لەدەستداوە.
لە لێدوانێكی تایبەت، هشام زەهەبی، سەرۆكی دەزگای كۆمەڵگای مەدەنی بەنوچەی ڕاگەیاند: بارودۆخی خەڵكی عێراق بەهۆی ڕۆژ لەدوای ڕۆژ بەروەو خراپتردەچێت، بەرادەیەك خەڵك لەماڵەكانیان كەوتون داوای بتڵی ئۆكسجین دەكەن، چونكە لە نەخۆشخانەکان شوێن نەماوە.
ئەم چالاکوانە دەڵێت: ئێمە لە تۆڕی كۆمەڵایەتی بڵاومانكردۆتەوە كێ بتڵی ئۆكسجینی پێویست بێت بۆی ببەین .
بەرپرسانی تەندروستی، تەشەنەکردنی ڤایرۆسی کۆرۆنا لە عیراق و بەغدا بە تایبەتی، بۆ پابەند نەبونی خەڵك بە ڕێنماییەكان دەگەڕێننەوە.
هشام جەخت دەکاتەوە”ئە گەر کۆرۆنا بەم شێوە تەشەنەبكات و كۆنتڕۆڵ نەكرێت كارەساتی گەورەی لێدەكەوێتەوە”.
