نوچە
هاوپهیمانێتی نهسر، بە سەرۆکایەتی حهیدهر عهبادی، سەرۆکوەزیرانی پێشووی عێراق، هێرشهكانی توركیا بۆسهر خاكی ههرێمی كوردستان ئیدانه دهكات كرد و هێرشهكهی به پێشێلكردنی سهروهریی خاكی عیراق لهقهڵهمدا
نوسینگهی راگهیاندنی هاوپهیمانێتی نهسر، له بهیاننامهیهكدا رایگەیاند: پێشێلكارییە بهردهوامهكانی سهروهریی عیراق ئیدانه دهكهین و لهو بارهیهوه ههموو بهرپرسیارێتیهك دهكهوێته ئهستۆی وڵاتانی دراوسێ.
هاوپهیمانێتییهكهی عهبادی داواشی له حكومهتی عیراق كردووە، دهسهڵاتهكانی خۆی بۆ پاراستنی سهروهری و كهرامهتی عیراق بهكاربهێنێت.
جهختیشیكردوهتهوه، كه ئهو جۆره پێشێلكارییانه گرژی و ناسهقامگیری لهناوچهكهدا زیاد دهكات و هیچ وڵاتێك له كاریگهرییه نهرێنییهكانی ئهم پێشێلكارییانه دهربازی نابێت، ئهو رهفتارانه كار له ئاسایش و سهروهریی خۆشیان دهكات.
