شلێر سەعید: هەولێر
پێش نیوەڕۆی ئەمڕۆ سێشەممە (۱٦ی حوزەیرانی ۲٠۲٠) لەباشوری كەركوكـ دوو منداڵ پێكەوە خنكان.
لە لێدوانێكی تایبەت بە نوچە، محمد تەها، کە دانیشتوی ناوچەکەیە، لەبارەی خنکانی منداڵ ڕاگەیاند: پێش نیوەڕۆی ئەمڕۆ لە باشوری كەركوكـ، دوو منداڵ پێكەوە خنكان، كە هەردوو خنكاوەكە خوشكی یەكترن بە ناوەكانی (فاتمە عەلی فەیسەڵ/ تەمەن ۸ ساڵان) و (تەبارەكـ عەلی فەیسەڵ/تەمەن ۵ ساڵان).
محمد تەها گوتیشی، خنكاوەكان لە نەتەوەی توركمانی شیعە-ن و خەڵكی ناحیەی “تازە”ی باشوری كەركوكن ولە بەنداوی ناحیەكە خنكاون.
دوای ماوەیەكی كەم تەرمەكانیان دۆزراوەتەوە و لە ئێستادا گەیەندراوەتە پزیشكی دادی كەركوك.
