نوچە-سومریە نیوز
وەزارەتی دەرەوەیی ئەمریکا هۆشداری دەداتە بەغدا و دەڵێت: دەبێ عێراق ڕێگە لەو هێرشانە بگرێت کە دەکرێنە سەر بەرژەوەندییەکانی واشنتۆن لەم وڵاتە.
وەزارەتی دەرەوەی ئەمریکا ڕایگەیاند:هەڵدانی موشەک بەرەو باڵیۆزخانەی ئەمریکا لە بەغدا، نیشانەی گرنگی گفتگو ستراتیژییەکانی نێوان ئەمریکا و عێراقە.
وەزارەتی دەرەوەی ئەمریکا جەخت دەکاتەوە، کە گروپە میلیشاییەکانی ژێر دەسەڵاتی ئێران لە عێراق، ئێستا وەک مەترسی جددی بۆ سەر بەرژەوەندی و ئاسایشی ئەمریکا هەژمار دەکرێن.
بە گوێرەی بەیانی دەزگای دیپلۆماسی ئەمریکا، دەوڵەتی عێراق بەڵێنی داوە ئەو گروپانە کۆنتڕۆڵ بکات، کە لە سەر خاکی ئەم وڵات هێرش دەکەنە سەر باڵیۆزخانەی ئەمریکا.
