نوچە-المعلومە
ئەندامیکی فراکسیۆنی سادقون لە پەرلەمانی عێراق، لە سەروبەندی دەستپێکی گفتوگۆ ستراتیژییەکانی نێوان بەغدا و واشنتۆن هەڵوێستی وەرگرت.
لە کاتێکدا بڕیارە سبەی چوارشەممە ١٠-ی جون، گفتوگۆ ستراتیژیەکانی نێوان واشنتۆن و بەغدا دەستپێبکات، نەعیم عبودی، ئەندامی فراکسیۆنی سادقون، جەخت لەسەر کشانەوەی هێزەکانی ئەمریکا لە عێراق دەکاتەوە.
عبودی دەڵێت، دەبێ بابەتی کشانەوەی هێزەکانی ئەمریکا لە عێراق، بخرێتە ئەولەوییەتی دانوستانە ستراتیژییەکانی واشنتۆن و بەغداوە.
ئەم ئەندامەی فراکسیۆنی سادقون دەشڵێت، هەڵوێستمان لە بارەی بڕیاری پەرلەمانی عێراق بۆ کشانەوەی هێزە بیانیەکان لە سەر خاکی عێراق، روونە و دەبێ بڕیارەکە بخرێتە بواری جێبەجێکردنەوە.
