نوچە
سەرۆكی هەرێمی كوردستان لە پەیامێكیدا بەبۆنەی رۆژی جیهانی ژینگە رایگەیاند، لە رۆژی جیهانی ژینگەدا پابەندی خۆمان بۆ كوردستانێكی سەوزتر و پاككتر دووپاتدەكەینەوە.
نەتەوەیەكگرتووەكان رۆژی 5-ی جون-ی وەك رۆژی جیهانی ژینگە ناساند و ساڵانە لەم رۆژەدا چەندین چالاكی ژینگەیی لە سەرانسەری جیهان بەڕێوەدەچن.
نێچیرڤان بارزانی سەرۆكی هەرێمی كوردستان لە تویتێكیدا نووسیویەتی ”لە رۆژی جیهانی ژینگە، پابەندی خۆمان بۆ كوردستانێكی سەوزتر و پاككتر، هەروەها بۆ هەسارەیەكی لە بارتر دووپاتدەكەینەوە”.
سەرۆكی هەرێمی كوردستان لە تویتەكەیدا ئاماژەی بەوەداوە، پاراستنی سروشت، بەشێكی سەرەكییە لە گژداچوونەوەی ئەو هۆكارانەی زیان بە ژینگە دەگەیێنن، لە نێویاندا پیسبوونی هەوا.
