نوچە: شلێر سەعید
هاوکات لەگەڵ بەڕێوەچوونی هەڵمەتێکی هۆشیاری و تەندروستی لە شاری هەولێر و دابەشکردنی 150 هەزار ماسك بەخۆڕایی، ئەمڕۆ بەسەرپەرشتی مامۆستا یوسف، قائیمقامی قەزای کۆیە و بەهاوکاری گرووپی سەوزی ڕێكخراوەكان، هەڵمەتێکی هۆشیاری و دابەشکردنی ماسک و دەستکێش بەسەر هاوڵاتیان و شوێنەخزمەتگوزاریەکان لەناوبازاڕی شاری کۆیە بەڕێوەچوو.
لە لێدوانێکی تایبەت بە نوچە، لەم بارەوە هاوکار رەندی خانی، بەرپرسی ڕاگەیاندنی قایمقامیەتی قەزای کۆیه ڕایگەیاند: رۆژی پێنجشەممە ٤ـ٦ـ۲۰۲۰، بەسەرپەرشتی مامۆستا یوسف، قائیمقامی قەزای کۆیە و بەهاوکاری گروپی سەوزی ڕێكخراوەكان، هەڵمەتێکی هۆشیاری و دابەشکردنی ماسک و دەستکێش بەسەر هاوڵاتیان و شوێنە خزمەتگوزاریەکان لەناو بازاڕی شاری کۆیە بەڕێوەچوو
گوتیشی، هەڵمەتەکە لەلایەن بەڕێوەبەرایەتی ناحیەکان و فەرمانگە پەیوەندیدارەکان بەردەوام دەبێت و ئامانج لەهەڵمەتەکە بڵاوکردنەوەی زیاتری هۆشیاری و خۆپارێزی هاوڵاتیانە لە ڤایرۆسی کۆڕۆنا.
