نوچە
ئەمڕۆ بەیانی ئاگر لە کۆگایەکی سوتەمەنی لەسەر رێگەی مەخموور – هەولێر کەوتووەتەوە بەو هۆیەشەوە کەسێک گیانی لەدەستدا.
لە کاتژمێر ٨ و نیوی بەیانی ئەمڕۆ، ئاگر لە کۆگایەکی سووتەمەنی لەسەر رێگەی مەخموور – هەولێر کەوتووەتەوە کە بەنزینخانەیەکیشی لە تەنیشتدایە، بەو هۆیەشەوە کەسێک گیانی لەدەستداوە.
دوو تانکەری سوتەمەنی و چوار تانکی لە عەمباری پاڵاوگەکە ئاگریان گرتووە و هێشتا بەتەواوی ئاگرەکە کۆنترۆڵ نەکراوە. تیمەکانی بەرگریی شارستانی لە شوێنی رووداوەکەن.
بەگوێرەی زانیارییەکان، کەسێک گیانی لەدەستداوە، کە شۆفێری یەکێک لە تانکەرەکان بووە و کەسێکی دیکەش بریندارە. هەروەها “ئەو کەسەی گیانی لەدەستداوە، ساتی ئاگرکەوتنەوەکە سووتاوە، هەموو لاشەی سووتاوە، ئەو کەسەیشی بریندارە کرێکار بووە”.
