نوچە-شەفەق نیوز
هاوپەیمانی سائیروون، بەستراوە بە ڕەوتی سەدری عێراق، هۆشداری دەداتە سەرۆکوەزیرانی عێراق.
جەماڵ فاخر، ئەندامی هاوپەیمانی سائیروون لەم بارەوە دەڵێت: ئەگەر بێتو مستەفا کازمی، لە ماوەی ئەو ١٠٠ ڕۆژەی، کە موقتەدا سەدر بۆی دیاری کردووە، نەتوانێ کارنامەیەکی باشی هەىیت، ئەوە هاوپەیمانی سائیروون کاردانەوەی خۆی دەبێت.
بە گوتەی فاخر، گەلی عێراق و لایەنە سیاسییەکان بە وردێ چاودێری کاروبار و بڕیاراتی کازمی دەکەن و ئەوە گەلی عێراقە، کە دوایین بڕیار لە سەر چارەنووسی خۆی و کابینەکەی دەدات.
ئەم ئەندامەی هاوپەیمانی سەدر جەختیش دەکاتەوە کە کازمی دەبێ هەڵەکانی پێشووی ڕاست بکاتەوە.
