نەوزاد عەلی-سلێمانی
ئەندامێکی چڤاتی گشتی بزوتنەوەی گۆڕان ڕایدەگەیەنێت، بڕیارە تیمی وەزاری گۆڕان و پارتی لە حکومەتی هەرێم بۆ تاوتوێکردنی چەند پرسێک کۆببنەوە.
لە لێدوانێکی تایبەت بە نوچە، جەعفەر خەیات، ئەندامی جڤاتی گشتی بزووتنەوەی گۆڕان، ڕایگەیاند: بڕیارە سبەینێ سێشەممە ١٢-٥-٢٠٢٠، ئەگەر کاتەکەی نەگۆڕدرێت، تیمی وەزاری گۆڕان و پارتی لە حکومەتی هەرێم، بۆ تاوتوێکردنی دوو پرس کۆببنەوە، یەکەمیان هەنگاوەکانی چاکسازی و جێبەجێ کردنی چاکسازییە، دووەمیان موچە و بژێوی ژیانی خەڵکە، بەشێوەیەکی لاوەکیش باسی پشکی هەڵبژاردنی گۆڕانە لە حکومەت دەکرێت”.
ئەندامەکەی چڤاتی گشتی گۆڕان گوتیشی “کێشەی ئێمە پڕکردنەوەی پۆستەکان نییە، بەڵکو کێشەی ئێمە پرسی چاکسازی و موچە و ژیانی خەڵکە، ئێمە کاندیدەکانمان ئامادەیە، هەرکاتێک برادەرانی پارتی و یەکێتی ئامادە بوون بۆ پڕکردنەوەی پۆستەکان، ئێمە کاندیدەکانی خۆمان یەکلاییکردووەتەوە”.
