نوچە
سكرتێری گشتی نەتەوە یەكگرتووەكان پشتیوانی خۆی بۆ حكومەتی نوێی عێراق بە سەرۆكایەتی مستەفا كازمی دەربڕی و داوای ئەنجامدانی چاكسازی راستەقینە لە عێراق دەكات.
ستیڤان دوجاریك، گوتەبێژی سكرتێری گشتی نەتەوە یەكگرتووەكان لە بەیاننامەیەكدا رایگەیاند: ئەنتۆنیۆ گۆتریس، دەستخۆشی لە پێكهێنانی حكومەتی نوێی عێراق بە سەرۆكایەتی موستەفا كازمی دەكات.
دوجاریك دەڵێت، سكرتێری گشتی نەتەوە یەكگرتووەكان پشتیوانی خۆی بۆ حكومەتی نوێ دەربڕی و داوای ئەنجامدانی چاكسازی ڕاستەقینە دەكات، بۆ باشتركردنی ژیانی خەڵك و پتەوكردنی دامەزراوە دیموكراسییەكان لە عێراق.
سكرتێری گشتی نەتەوە یەكگرتووەكان گرنگی كاركردنی بۆ بەرژەوەندی عێراقییەكان دووپات كردەوە ئەویش لە ڕێگای پرۆسەیەكی سیاسی، كە ئافرەتان و گەنجان و گشت پێكهاتە جیاوازەكانی عێراق بە پیكهاتە ئیتنی و ئاینییەكان بتوانن بەشدار بن تیایدا.
