نوچە: ئاژانسەکان
پێگەی وەزارەتی دەرەوەی ئەمریکا دەڵێت، هەر یەک لە وەزیرانی دەرەوەی ئەم وڵاتە و فەرەنسا لە بارەی بەرنامەی موشەکی ئێران گفتوگۆیان ئەنجام داوە.
مایک پۆمپیۆ و ژان ئێڤ لۆدریان، سەرۆکانی دەزگای دیپلۆماسی ئەمریکا و فەرەنسا، لەم پەیوەندییەدا بە وردی تاوتوێی هەڕەشەکانی پڕۆژەی موشەکی ئێرانیان کردووە و هەروەها لە بارەی میکانیزمەکانی بەرەنگاربوونەوەی بەرنامەی موشەکی تاران گفتگوۆیان ئەنجام داوە.
لەم بارەوە، سەرۆکی دەزگای دیپلۆماسی ئەمریکا داوای لە فەرەنسا و یەکێتی ئەوروپا کردووە، سزای ئەو کەس و لایەن و دامەزراوانە بدات، کە لە پرۆژەی موشەکی ئێران بەشدارن.
