نوچە: ئاژانسەکان
بەڕێوەبەری سەرۆکایەتی هەردوو مزگەوتی مەککە و مزگەوتی پێغەمبەر لە شاری مەدینە، دوا بڕیار لەبارەی نوێژی تەراویح، دەدات و دەڵێت ”بەردەوام بن رەچاوکردنی رێنماییە تەندروستییەکان و داخستنی ئەو دوو مزگەوتە”.
شێخ عەبدولڕەحمان سودەیس، بەڕێوەبەری سەرۆکایەتی هەردوو مزگەوتی مەککە و مزگەوتی پێغەمبەر بە میدیاکانی وڵاتەکەی راگەیاندووە، بڕیاریان داوە بەردەوام بن رەچاوکردنی رێنماییە تەندروستییەکان و داخستنی ئەو دوو مزگەوتە.
شێخ عەبدولڕەحمان سودەیس هەروەها رایگەیاندووە، لە مانگی رەمەزان مسوڵمانان ناتوانن لەو دوو مزگەوتە نوێژی تەراویح و عیبادەت ئەنجام بدەن، تەنیا فەرمانبەر و کرێکارانی تایبەت بە مزگەوتی پێغەمبەر و کەعبە، نوێژی تەراویح لەناو ئەو دوو مزگەوتە، دەکەن.
بەڕێوەبەری سەرۆکایەتی هەردوو مزگەوتی مەککە و مزگەوتی پێغەمبەر گوتوویەتی، بۆ پاراستنی خەڵکی و رێگریکردن لە بڵاوبوونەوەی پەتای کۆرۆنا، بەهیچ شێوەیەک کەس ناتوانێ لەو مزگەوتانە بمێنێتەوە.
