نوچە: المعلومە
هاوپەیمانی سائیروون، ئەمڕۆ (پێنجشەممە ٢ی ئەپریل) مەرجەکانی بۆ پشتگیریکردنی سەرۆکوەزیرانی ڕاسپێردراوی عێراق خستەڕوو.
ریاز مەسعودی، ئەندامی هاوپەیمانی سائیروون لەم بارەو ەگوتی: تەنها ئەو کاتەی پاڵپشتی زورفی دەکەین، کە مەرجەکانمان لە بەرچاو بگرێت.
بە گوتەی مەسعودی، عەدنان زورفی، کاندیدی ئەم هاوپەیمانێتیە نەبووە و لە لایەن بەرهەم ساڵحەوە بەربژێر کراوە.
لە بارەی مەرجەکانی سائیروون بۆ پاڵپشتیکردنی سەرۆکوەزیرانی ڕاسپێردراو، مەسعودی ڕایگەیاند، مەرجی سەرەکیمان ئەوەیە، کە زورفی کۆدەنگی تێکڕای گروپە شێعەکانی لەسەر بێت و دواتر لە کابینەکەی، کەسانی سەربەخۆ و بێ لایەن بەشدار بکات.
مەسعودی هەروەها زورفی بە بەستراوە بوون بە بیانیەکان تۆمەتبار کرد و گوتیشی، کە سەرانی گروپە شیعەکانی نادیدە گرتووە، ئەمەش خاڵێکی لاوازی کاندیدی سەرۆککۆمارە.
