نوچە
داواكاری گشتیی سلێمانی رایگەیاند، هەر هاوڵاتیەك بە ئەنقەست توشی ڤایرۆسی كۆرۆنای نوێ ببێت، سزادەدرێت.
ئەمڕۆ داواكاری گشتیی سلێمانی راگەیێندراوێكی بڵاوكردوەتەوە و تێیدا داوا لە هاوڵاتیانی شاری سلێمانی و دەورووبەری دەكات، پابەندبن بە رێنماییەكانی بەڕێوەبەرایەتی تەندروستی سلێمانی و رێنماییەكانی لیژنەی باڵای روبەڕووبوونەوەی ڤایرۆسی كۆرۆنا لە شاری سلێمانی.
داواكاری گشتیی هەروەها داوایان لێدەكات، لە ماڵەكانیان بمێننەوە لەبەر سەلامەتی گیانی خۆیان و خانەوادە و هاوڵاتیانیش.
داواكاری گشتیی جەختیشدەكاتەوە، هەر هاوڵاتیەك پابەندنەبێت و تووشی ئەو ڤایرۆسە ببێت و بە ئەنقەست یان بە هەڵە ببێتەهۆی بڵاوبوونەوەی لە نێو هاوڵاتیاندا، ئەوا رێكاری یاسایی دژی دەگیرێتەبەر و دەدرێت بە دادگا.
