نوچەنێت
بەھۆی بارانبارینی زۆر و لێڵ بوونی ئاو، ھەرسێ وێستگەكانی پاڵاوتنی ئاوی ئیفراز بەشێوەیەكی كاتی رادەگیرێت.
ئەمڕۆ پێنج شەممە، ١٩-٣-٢٠٢٠، بەڕێوەبەرایەتی ئاوی ھەولێر راگەیێندراوێکی بڵاوکردەوە، کە بەهۆی بارانبارینی زۆر و لێڵ بوونی ئاو، ھەرسێ وێستگەكانی پاڵاوتنی ئاوی ئیفراز بەشێوەیەكی كاتی رادەگیرێت.
لە راگەیێندراوەکەدا هاتووە: بەهۆی بەرز بوونەوەی لێڵی زێی گەورە بۆ زیاتر لە 2000NTU، هەر سێ وێستگەکانی پاڵاوتنی ئاوی ئیفراز لە كاتژمێر ٢ی شەوی رابردووەوە بەشێوەیەکی کاتی راگیراوە.
ئاماژە بەوەشكراوە: “پێویستە هاووڵاتییان لەم ماوەیە تاکو رەوشی کەشوهەوا ئاسایی دەبێتەوە. دەست بە بەکارهێنانی ئاو بگرن”.
