نوچە
سوپای ئەمریکا لە سەربازگەی تاجی لە باکووری بەغدای پایتەختی عێراق، موشەکباران کرایەوە.
بەگوێرەی میدیا عێراقییەکان، ئەمڕۆ (شەممە ١٤-٣-٢٠٢٠)، ١٢ موشەک لە سەربازگەی تاجی کەوتوونەتە خوارەوە.
ئەوە لە کاتێکدایە، درەنگانی شەوی چوارشەممە ١١-٣-٢٠٢٠، بە ١٨ موشەک سەربازانی سوپای ئەمریکا و بەریتانیا لە سەربازگەی تاجی لە باکووری بەغدا، کرانە ئامانج و بەهۆیەوە دوو راهێنەری ئەمریکی و راهێنەرێکی بەریتانی کوژران، جگە لە برینداربوونی ١٢ سەربازی دیکە.
دوای ئەو هێرشە بۆ سەر سەربازگەی تاجی، فڕۆکە جەنگییەکانی ئەمریکا، لە بەرەبەیانی رۆژی هەینی ١٣-٣-٢٠٢٠، چەندین بارەگای میلیشیاکانی حەشدی شەعبییان بۆردومان کرد.
