نوچەنێت
ڕێكخراوی تەندروستی جیهانی، پەتای کۆڕۆنای وەک پەتایەکی جیهانی ناساندو داوای لە وڵاتانی جیهان دەکات، ڕێوشوێنەكانی ڕووبەڕووبوونەوەی ڤایرۆسەكە توندتر بكەن.
ڕێكخراوی تەندروستی جیهانی، نیگەرانی بەرانبەر خێرا تەشەنەكردنی ڤایرۆسەكە راگەیاند و دەڵێت: ئێستا ڤایرۆسی كۆرۆنا وەكو پەتایەكی جیهانی پۆلێن دەكەین.
تیدرۆس ئەدهانۆم، ئەمینداری گشتیی رێكخراوەكە دەڵێت: ڤایرۆسی كۆرۆنا پەتایەكی جیهانییە، ژمارەی تووشبوون بە ڤایرۆسەكە لە دەرەوەی چین و لە دوو هەفتەی رابردوودا، بە ڕێژەی ١٣ هێندە زیاد بووە.
هاوکات داوا لە وڵاتانی جیهان دەکات، رێوشوێنی توند بۆ خۆپاراستن بگرنە بەر.
