شلێر سەعید: هەولێر
تەرمی گەنجێک لە قەزای چۆمان دۆزرایەوە، کە جەستەی شوێنی گولەی پێوەیە.
ئێوارەی ئەمڕۆ چوارشەممە، ١١-٣-٢٠٢٠، تەرمی گەنجێک لە ماڵی خۆیان قەزای چۆمان دەدۆزرێتەوە. جەستەی شوێنی گولەی پێوەیە، پۆلیس دەڵێت: جارێ دیارنییە کە خۆی کوشتووە یان کوژراوە.
مقەدەم شەماڵ دێواری، گوتەبێژی پۆلیسی سۆران بە نوچەی ڕاگەیاند: ئەمڕۆ ئێوارە كاتژمێر ٥/٣٠ بەشی پۆلیسی چۆمان ئاگار كراوەتەوە، بەهەبوونی ڕوداوێك لە گەڕەکی سەکران لە قەزای چۆمان، دوای گەیشتنی پۆلیس بۆ شوێنی ڕوداوەكە تەرمی گەنجێک دەدۆزرێتەوە بەناوی (س، ح ،ع ) لەدایک بوی ٢٠٠٤٫ و پیشە قوتابیە و سەڵتە.
گوتەبێژەکەی پۆلیس دەڵێت: تا راپۆرتی پزیشکی دەرنەچێت نازانین خۆی کوشتووە یان کوژراوە.
