نوچە-ڕۆیتەرز
بەرپرسانی باڵای بەریتانیا دەڵێن: سەرباری بڵاوبوونەوەی ڤایرۆسی کۆرۆنا لەم وڵاتە، پەرلەمان لە کاروباری ئاسایی و ڕۆژانەی خۆی بەردەوام دەبێت.
سەرۆکی پەرلەمانی بەریتانیا رایگەیاند: هیچ پلانێکیان بۆ داخستنی پەرلەمان نییە.
پێشتر ژمارەیەک لە بەرپرسانی بەریتانیا پێداگریان لە سەر داخستنی پەرلەمان کردبوو، ئەمەش دوای ئەوە هات کە وەزیری تەندروستی و ئەندام پەرلەمانێک تووشی ڤایرۆسی کۆرۆنا بوون.
بە گوتەی سەرۆکی پەرلەمان، کاتێک کە هەموو ڕیوشوێنەکانی وەزارەتی تەندورستی ڕەچاو دەکەن، پێویست بە داخستنی پەرلەمان ناکات.
