نوچەنێت
بەمەبەستی رێگریکردن لە بڵاوبوونەوەی ڤایرۆسی کۆرۆنا، پارێزگاری هەولێر بڕیاری داخستنی سەرجەم ئارایشتگاکانی ئافرەتان، سەنتەرەکانی جوانکاری و شوێنەکانی خواردنەوە کحولییەکانی دا.
ئەمڕۆ شەممە، ٧-٣-٢٠٢٠، لە راگەیێندراوێکدا پارێزگای هەولێر، چەند بڕیارێکی نوێی بۆ رووبەڕووبوونەوەی کۆرۆنا راگەیاندووە. کە تێیدا سەرجەم ئەو شوێنانە دادەخرێن گومانی گواستنەوەی ڤایرۆسەکەیان لێدەکرێت.
بڕیارەکان ئەم شوێنانە دەگرێتەوە:
– داخستنی سەرجەم ئارایشتگاکانی ئافرەتان، سەنتەرەکانی جوانکاری و شوێنەکانی خواردنەوە کحولییەکان (باڕ)، لە 8-3-2020 تاوەکو 1-4-2020
– داخستنی شوێنی یارییەکانی منداڵان لە سەرجەم گۆڕەپان و باخچە گشتییەکان و مۆڵەکان لە 8-3-2020 تاوەکو 1-4-2020
لە راگەیێندراوەکەی پارێزگای هەولێردا ئەوەشهاتووە، ئەگەر پێویست بکات ماوەی داخستنی ئەو شوێنانە درێژدەکرێتەوە.
