نوچە: بی بی سی
پێنج کوردی دانیشتووی بەریتانیا بە ناوەکانی جاسم محەمەد، کاوان عومەر، نزار ئەنوەر، سەبا محەمەد و شەنگار ئیبراهیمی بە تۆمەتی پێدانی ماددەی هۆشبەر و دەسدرێژیکردنە سەر کچێکی تەمەن 14 ساڵ سزا دەدرێن.
بەگوێرەی هەواڵەکەی سایتی بی بی سی، ئەو پێنج کەسە، خواردنەوە و ماددەی هۆشبەریان داوە بە کچەکە و بە لارێیانبردووە، دواتر دەستدرێژی سێکسیان کردووەتەوە سەر.
لە دادگای شێفیڵد، ١٠ کەس بە تۆمەتی دەستدرێژی کردنە سەر کچێکی تەمەن ١٤ ساڵ دادگایی کران و دواتر پێنج لەوان تۆمەتەکەیان بەسەردا ساغ بووەوە و بڕیارە ١٣ـی ئەم مانگە دادگا سزاکانیان دیاری بکات.
قوربانییەکە بە دادگای گوتووە، دووچاری بارێکی دەروونی سەختبووە و ئەو کاتەشی دەستدرێژی کراوەتەسەر، دایکی تازە کۆچی دوایی کردووە.
